موضوع: جمعية حقوق المرأه( يا بنات المنتدى اتحدوا) السبت يونيو 06, 2009 3:07 pm
السلام عليكم ورحمة الله وبركاته
مرحبا باحلى أعضاء المنتدى ..او ممكن نقول الجنس الناعم..او بعباره اخرى علشا ن منضربش من الولاد…البنات ااه صحيح نسيت اقول حاجه الموضوع ده للبنات فقط..ليس لشئ الا (منعا لارتفاع ضغط الولاد )..وانا حذرت من البدايه ..اللهم بلغت اللهم فاشهد والنهارده انا جايه وبتكلم بلسان حال البنات..أو بلسان جمعيتنا (جمعية حقوق المرأه) وفى الجمعيه دى هنتكلم عن كل ما يخص البنت وكل ما يأرقها ويثير سخطها وكل ما يفرحها ويبهجها ..وهنتكلم كمان عن حقوقها وأكيد مش هننسى واجباتها باختصار كل ما يمس البنت سواء من قريب او من بعيد
والجمعيه دى لا تقوم على اساس اننا بندور على حقوق البنت على غرار جمعيات اخرى زى جمعية القطه المتوحشه او جمعية الفك المفترس او حتى جمعية نحن لها أيها الرجال..انما بنعرض فيها مشكله او فكره وكل عضوه تدخل وتقول رايها مهما كان..وكلنا طبعا هنحترم رايها ده ..لانه أكيد بناء عن حياه عاشتها وتجارب شافتها..وأدينا بنشوف كل بنت فى المجتمع بتفكر ازاى وعايزه ايه ؟! وفى الجمعيه هنا..هنعرض كل اسبوع فكره او موضوع نناقشه ونستعرض وجهات النظر فيه