ازاى تتعامل مع خطيبتك؟؟؟

ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.
وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:
وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:
بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل.

**مشرفهـ الدردشهـ** الجنس : منين :

كلام حلو يا حسناء
بس دة كدة ممكن يبقى خداع انت مش بتورى حقيقتك للى قدامك

يعنى التجمل فى المرحلة دى مش مطلوب المطلوب اننا نعرف بعض اكتر لان دى حياه كاملة هنعيشها مع بعض
مشكورة على الموضوع الجميل وتقبلى مرورى

عضو شدد حيلو الجنس : منين :

ميرسى يا قمر
كلام حلو جدا

اولالسه ما جربت الموضوع الخطوبه بس زى ما الاخت قالت ان لازم يتعرفو على
بعض اكتر عشان هيبقا مستقبل بعدين
عينى عالنصايح وليه بقى مش البنات هى الى تعمل كده مع الولاد ولا علطول الولاد مظاليم صح صدق الى قال بلدالبنات سورى عالتعبير بس كل البنات بتتطالب بكل حاجه والولاد مساكين ملهمش حاجه يا عينى عالولاد الله يرحمنا يارب

ليه يحسسها ليه ميبقاش كدة فعلا

يبقى جنتل ولو ان دى مش بتفرق معايا خالص

يبقى انسان متحمل المسؤلية ومش بيبص على غيرها من البنات

شكرا يا جميل على الموضوع دة وتقبلى مرورى

ع فكره هو كده مابيضحكش عليها لانه لما يعملها كده اكيد
هيبقي كل حاجه من قلبه وبعدين طبيعي ان الحاجات دي هي اللي بتقربهم من بعض
يعني هو مش مجبر انه يعملها كده بس لما بيعملها كده اكيد ده بيعبر عن حبه وخوفه عليها
والاهتمام مطلوب
وميرسي لمروركم

**مشرفهـ الدردشهـ** الجنس : منين :

بس هوة بيعملها مش طبع فيه بس عشان يكسب رضاها

وبعد الجواز طبعا كل دة هيتغير 180 درجة لانه كان بيضحك عليها

الفترة الخطوبة دى مش محتاجة تجمل مهم ان كل واحد يبين عيوبه ومزاياه برضو
عشان الطرف التانى يقرر اذا كان قابل العيوب دى وراضى بالانسان دة كدة كدة الحياه تمشى احسن
لان مفيش حد فينا فى عيوب ومش كلنا فينا كل الحاجات الحلوة