MazIka ZooM : Films - Songs - Games - Programs - Wrestling
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصوردخولالتسجيل

 

 اكتر حوار صادق...ممنوع دخول الكدابين

اذهب الى الأسفل 
كاتب الموضوعرسالة
pocoyo
عضو شدد حيلو
pocoyo


الجنس : ذكر
منين : اكتر حوار صادق...ممنوع دخول الكدابين Egypt10

اكتر حوار صادق...ممنوع دخول الكدابين Empty
مُساهمةموضوع: اكتر حوار صادق...ممنوع دخول الكدابين   اكتر حوار صادق...ممنوع دخول الكدابين Emptyالسبت فبراير 27, 2010 6:30 am

صباح المساء
ومساء الصباح
حسب التوقيت المحلي للساعه الي في بيتك

ندخل ع الحوار

هو : هاي

هي : هاي

هو : ممكن نتعرف ؟

هي : ممكن ... مين معايا ؟

هو : معاكي ديفيد ... ديفيد بيكهام

هي : ديفيد بيكهام ... لعيب الكورة

هو : أيوه يافندم ... الله ... شكلك تعرفيني

هي : أكيد ... أنا كنت متابعاك امبارح في ماتش انجلترا وموزمبيق ... كنت تجنن وانت واقف جون

هو : متشكر على ذوقك العالي

هي : ويا ترى انت منين

هو : هولندا

هي : بلد جميل جدا ... خصوصا برج ايفل

هو : طبعا .... أنا لازم أشربه كل يوم قبل التدريب ... أصله مفيد جدا

هي : وبتلاقي وقت تخش على الماسنجر ؟؟؟

هو : أيوه ... أصل في سيبر جنب الاستاد ...
بزوغ بين الأشواط وفي الوقت بدل الضايع وأديها شات ..

هي : جميل جدا ... طول عمري بحب التزويغ

هو : بس أنا معرفتش مين معايا ؟

هي : أنجلينا جولي

هو : لا مش ممكن ... حضرتك بطلة ايس ايج ؟
هي : ايوه ... الله ... شكلك بتتفرج على أفلام كتيييير ...

هو : أيوه طبعا ... وبحب كل أفلامك ... خصوصا دورك في سبايدر مان

هي : أووووه ... ده كان دور صعب جدا ... الواد بيتر تعبني جدا

هو : فعلا ... هوه شكله واد خيخة جدا ومش عاجبني ...

هي : انت كمان خدت بالك؟ ...
لأ وكمان كان على طول يجي ضارب كشري ...
وريحة بقه مليانة توم ... ياااااي

هو : معلش ... هيه دي مشكلة الشباب الصغير ...
مابيراعيش أعراض القولون ... وبيلوص بالليل في الحمام

هي : بس انت حلاقتك تجنن ... بتحلق فين ؟

هو : عم مستكة الحلاق .... حلاق عالمي مشهور في العتبة

هي : العتبة ؟ ... فين دي ؟

هو : دي مكان راقي جدا في القاهرة ....
بيجمع أفضل الفنانين في كل المجالات ... لازم تيجي تشوفيه

هي : القاهرة ....؟؟؟ ... بس انت قلت انك من هولندا

هو : أيوه ماهو أنا بقضي الهوليدايز بتاعتي في إيجيبت بلد الحضارة

هي : اااااااه ... طيب ويا ترى هواياتك ايه ؟؟؟

هو : يعني ... كوره ... بلاي ستايشن ... شعبطة أتوبيسات

هي : شعبطة إيه ..... ؟؟؟

هو : دي رياضة مشهورة في إيجيبت ... بيمارسها الناس كل يوم الصبح ...
بتحرك كل عضلة في جسمك .... وتوديها حتة تانية غير مكانها

هي : حاجة هاي وروعة

هو : فعلا حاجة "سو فاني" .... وانتي ايه هواياتك ؟

هي : يعني ... أخرج مع براد بيت ... ألعب مساكة

هو : واو ... مساكة ... شكلك دماغ

هي : أيوه ... أصل بابي كان مربينا في أرقى مناطق هوليوود .......... شبرا

هو : جميل جدا .... طيب أستأذن عشان سامع صفارة الشوط التاني

هي : وأنا كمان ... لحسن براد بيدور عليا ... الظاهر مش لاقي الممسحة

هو : باي

هي : باي

هو : (في سره) "بت هبلة"

هي : (في سرها) "عيل أهبل"



اكتر حوار صادق...ممنوع دخول الكدابين 34699258

تحياتي
الرجوع الى أعلى الصفحة اذهب الى الأسفل
 
اكتر حوار صادق...ممنوع دخول الكدابين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MazIka ZooM : Films - Songs - Games - Programs - Wrestling :: 
(¯`°•.¸¯`°•. المنتدى الترفيهى Forum entertainment l .•°`¯¸.•°`¯)
 :: منتدى المرح والفكاهه | Fun and humor
-
انتقل الى: