كلمات البوم دول مش حبايب

عضو نشيط الجنس : منين :

أنا راضي بالسهر

أنا راضي بالسّهر لو سَهري يريَّحك
حسهرلك يا قمر لو كان ده يفرّحك
واحلفلك باللي ليَّ يا أغلى الناس عليَّ
أنا جيت الدنيا ديَّ علشان أفرَّحك

لو مش حسهرلك إنت حسهر تاني لِمين
يللي بجمالك إنت والله ما شافتش عين
إثقل يا حبيبي إثقل واوصل للبدر اوصل
وقول يا بدر إنزل وانا حقعد مطرحك
واحلفلك باللي ليَّ يا أغلى الناس عليَّ
أنا جيت الدنيا ديَّ علشان أفرَّحك

يا حبيب حياتي إنت قلبي عاشق هواك
وبقول يا روحي إمتى قلبي حينول رضاك
إسأل يا حبيبي إسأل ويَّاك الدنيا أجمل
وهموم الدنيا ترحل أوِّل ما بلمحك
واحلفلك باللي ليَّ يا أغلى الناس عليَّ
أنا جيت الدنيا ديَّ علشان أفرَّحك

كده كفايه

كده كفايه كده تجريح... كده كفايه
انا اللي حكون معاكي صريح... كده كفايه
انا مش شايفك الغنوه اللي غنيتها
انا مش شايفك النسمه اللي حبيتها
وشايفك ريح...
وما دام خلاص بجد... أنا زي أي حد
مش حنسى نفسي ثاني وححط بينّا حد
أنا عديت حدودي صحيح
كده كفايه بلاش تجريح..

كده نهايه وكان لازم اشوف ايدها بتمنعني
وكان لازم عشان اسكت اشوفها رافضه تسمعني
لوكنت عارف كل ده مكنتش أتألِّم كده
ولا كنت اضيع آه أضيع بالشّكل ده
كده أمشي كده ماقدرش احنِّلهالانّي جريح... جريح

أنا القلب اللي كان عايش وشايل جرحها وجرحي
خلاص حزنو وقفل حضنو وعمرو فيوم ما حيضحِّي
مجروح ومش عايز دوا
عاتب على الشوق والهوى
ولا نفسو يهرب من العذاب
ولا نفسو يوم نرجع سوا
خلاص قلبي بخط ايديه كتب اسمه مع المجاريح...جريح

ما تقولو ليه

ما تقولو ليه أنا ليه بقول إسمه
وجيب سيرته كتير
ما تقولو ليه بسأل على الناس كلّها
دايماً عشان أسأل عليه
وإن حد شافه وإبتسم له
غصب عنّي بخاف وغير
ما اعرفش ليه أنا مالي بيه
هوّ أنا لسه بحبو بحبو ولاّ إيه

يمكن بحبه لسّه بس بخاف أقول
وبخاف لحد يحس ويروحله ويقول
معقوله لسّه في قلبي لأ
غلطان يا قلبي ما لكش حق
لو كنت بتحبو صحيح خبّي عليه
ما اعرفش ليه أنا مالي بيه
هوّ أنا لسه بحبو بحبو ولاّ إيه

من كتر شوقي ولهفتي ألمس إيديه
أروح أسلّم علّي سلّم يوم عليه
إيه اللي بس بحسو ده
إيه اللي بس بقولو ده
نفسي يا قلبي تنام في يوم
تصحى ناسي
ما اعرفش ليه أنا مالي بيه
هوّ أنا لسه بحبو بحبو ولاّ إيه

دول مش حبايب

يا عمري آه يا قلبي إنسى
دول مش حبايب دول ياما لسّه
ناويين علينا حاجات غريبه
وانت كلك حنان وطيبه
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه

يا اللي ناويين عالجراح صعب جدّاً تجرحوني
بكره تتمنوا السماح تحلموا بنظرة عيوني
طول عمره قلبي دايب
ولا كنتو فيوم حبايب
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه

إحنا خدنا عالغياب ماللي قلبو مش عشاني
قلبي ما بيعرف عذاب حبو مره ونسيو تاني
طول عمره قلبي دايب
ولا كنتو فيوم حبايب
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه

لعبة نظر

أصل الهوى لعبة نظر
هوّ كده بالمختصر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

سر الهوى رمش العيون يشبك قلوب الطيبه
يصدق سنه وسنين يخون ينسى قلوب متعذّبه
عارفين وحاسّين قسوته وبرضو نمشي بسكتو
مين فينا يخالف كلمته مهما حكم ولاّ أمر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

نتوب ونحلف كل يوم المتابه توصل للفضا
لكن بننسى في تاني يوم ونرجع على حب ورضا
غارقين في بحر محبته دايرين تملي في دنيته
لو طالت فينا رحلته حنمشي لو طال السفر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

عشاق آخر زمن

والله وقاسينا منهم علىآخرالزمن
غلطان لما تآمنهم عشاق آخرزمن
وادي اللّي حلمنا بيهم
جرحونا الله يجازيهم
ولا كانوا يا قلبي لينا
ولا كنا يا قلبي ليهم
عشاق آخر زمن... عشاق آخر زمن
يا قلبي يا قلبي... عشاق آخر زمن
مكتوب...
مكتوب تعشق قلوبنا ونبات والشوق غالبنا
وحناخذ ايه يا قلبي مالدنيا غير نصيبنا
يمكن لوضاع هواهم ملناش نصيب معاهم
وكان مقسوم فراقهم من اوّل يوم لقاهم
وادي اللي حلمنا بيهم جرحونا الله يجازيهم
ولا كانوا يا قلبي ليناولا كنا يا قلبي ليهم
عشاق...
عشاق يا قلبي دابوا وكثير دابوا في عذابو
والهوى غدار وقاسي معملتش ليه حسابو
حبيت واهو ضاع شبابك وسنين ولا دقوا بابك
فاتوك حيران وتايه وادي اللي يا قلبي نابك
وادي اللي حلمنا بيهم جرحونا الله يجازيهم
ولا كانوا يا قلبي لينا ولا كنا يا قلبي ليهم

جميله اوي
تسلم ايدك يا ساحر