احكى يا شهر زاد للشباب والبنات...

السلام عليكم ورحمة الله

انا جايه النهارده عشان احكى لكم شهرزاد قالت ايه

قالت ايه عن كل حد فينا

قالت ايه عن كل واحد ملتزم بدينه او كل واحده لسه باقى عندها شويه عفه و حياء

قالت ايه عن امه النبى صلى الله عليه و سلم اللى ربنا خلقها عشان تكون خير أمه للناس

بس قبل ما تحكي ياشهرزاد خليني أنا كمحجبة أحكي معلش:

هحكيلكم عن المحجبات بيقولوا عنهم ايه

قالوا عنهم معوقات

طلعوهم كأن الحياء نزع من المحجبات تماااااااما

لا والأدهي من كده .... المحجبات طلعوا ميعرفوش حاجة في الدنيا

أنا مش كاتبة الموضوع ده علشان أقولكم الحاقدين على الاٍلتزام بيقولوا إيه عنه

و لا عشان نشغل بالنا بجد او نحس اننا احسن من حد _استغفر الله_

أنا بس عايزة نتحرك يا بنات و يا شباب كمان بجد ارجوكم

_ _طيب وبعد كل الشعارات ديه ... المشكلة هتتحل؟؟؟!!...

لو قولتولي نعمل إيه؟؟

لا في حاجات كتير نقدر نعملها

يا بنات إحنا العبأ علينا بدأ يزيد بسبب الأفلام ديه

والتشويهات ديه

لااااااااازم احنا كمحجبات(حجاب شرعي بالذات) وملتزمات إننا نتحرك بقي

بالعمل : نكون أفضل قدوة وخير داعيات بحجابنا ,,, نكون بجد زي مروة رحمها الله

نتخلق بخلق النبي وخلق أمهات المؤمنين ... لازم نبدأ بجد نفكر ونتحمل المسؤلية

كل خطوة في طريقنا في الشارع لها حساب

كل حركة وهمسة هتكون لمصلحة المحجبات أو ضدهم ... نبدأ نكون اجتماعيات ومتفتحات .. مش عايزين شعارات وبس

يااااااااااااااااااااااااا بنات فاطمة وعائشة وسمية وخديجة

قد رفع أهل الشر للشر راية

أفلا يرفع أهل الخير للخير راية

يا عاشقة حجاب مروة,,, إنهضي فقد أوذيتي في حجابك

يا مروة أين أنت ,,, أين حجابك قد دنسوه

يا شهرزاد ... ليه عملتي كده ياريتك ما اتكمتي أصلا

بس زي ما اتكلمتي ياشهرزاد

احنا هنتكلم احنا هندافع

الفقرة القادمة منقولة إدعو للكاتبة:

هنسيب شهرزاد تحكي الفقرة القادمة منقولة :

إحكي لمروة الشربيني ..احكي لها ...وقولي لها ...
إحكي لمروة التي ماتت وهي تدافع عن حتة قماش ...أهناها نحن قبل الغرب وهانت علينا ثم الآن نطلب منهم احترام المحجبات منها...

إحكي يا شهرزاد ..عن التدني الاخلاقي والبعثرة لأحكام الاسلام

إحكي يا شهرزاد ..لمروة الشربيني ..أن الدين يسر وأن الحجاب مش فرض -استغفر الله- وان عفة المرأة مش في حتة طرحة تحطها على نافوخها ...ولذلك تفننا في الحاق الايشارب بكل انواع الموضة الغربية ..استريتش وبادي وجيب ميكرو تحته غطاء رجل ..اصله مش بنطلون....كارينا برضه ....

إحكي يا شهرزاد ...لمروة الشربيني ...أن كل المحجبات في أفلامنا متسترات من الرذيلة ... وأن كل الملتحين في إعلامنا أس البلاء وأعداء الفضيلة وارهابيين من الدرجة الأولى ....
وأن وراء كل نقاب واحدة فاجرة وراجل هارب من جرائم عدة ...ومغتصب فتيات ...ورجل خائن يزور الزوجة ليفعل ما يغضب الله معها ....

إحكي لها أن كل مسلسلاتنا لا تخلو من الملتحي الغبي الذي يريد هلاك الأمة ... وأن فقط البطل الخمورجي والذي يخرج علينا بأفعال (...)

إحكي يا شهرزاد ...لمروة الشربيني ...أن دمها سيذهب سدى وأن المقامرين على الدين سيخرجون للأعداء بثغرة ليهربوا منها ...وسوف تصبح مروة في غضون شهور ...ما بين مفترية ومفترى عليها ...
وبالتدريج سننساها يا شهرزاد بفيلم آخر أو أغنية ...

إحكي يا شهرزاد لمروة الشربيني ..شهيدة حجابها ...أننا نطارد في بلاد العرب المحجبات في تونس ...والمنتقبات والملتحيين في مصر ...والمسلمات الملتزمات في الجزائر ...

إحكي لها يا شهرزاد أن من حق المرأة في مصر أن ترتدي ا(...) ... وأن تسير بميكروجيب تحت مسمى الحرية ..وأن تقبل زميلها في المدرسة الأمريكية ...وفي الطريق ...وأن تكشف من جسدها أكثر ما تخفي وتسير في طريقها آمنة .... بل وترفع قضايا على المتحرشين بها __ولا تستطيع إمرأة أن تدخل المتحف المصري لأنها منقبة ؟!!ولو ضابط -ابن حلال وصعبت عليه - حيوقفها ثلاث ساعات تحري قبل أن تدخل للمتحف....

..حرة أنت في تعرية جسدك .. ولست حرة أنا في تغطية جسدي ووجهي ...

يُرِيدُ اللَّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِنْ قَبْلِكُمْ وَيَتُوبَ عَلَيْكُمْ ۗ وَاللَّهُ عَلِيمٌ حَكِيمٌ (26) وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا (27)

إحكي يا شهرزاد ..إن مطرب الجيل شاب (روش) وقدوتهم ممثل راقص ...وحزنهم لموت مايكل جاكسون وصل لحد انتحار واحدة في تونس

إسأليها يا شهرزاد هل كنت تنتظري من الغرب غير هذا .. والله رحمت يا مروة فلم تجدي كل هذا في بلدك ...
فما أهون الموت بيد الاعداء ...

إحكي لها يا شهرزاد أن باطن الأرض التي هي فيها خيرا من ظاهرها وما فيه...

وكفي يا شهرزاد عن الكلام المباح ...
وأكملي مع كل الشهرزادات الكلام غير المباح ..

انتهت الفقرة المنقولة إدعو للكاتبة كثيرا

ممكمن بقي نسيب مروة تحكي:

احكى لها يا مروه عن حجابك

قولي لشهرزاد كفاية

قوللها الحكاية ملهاش نهاية

حكاية مروة ملهاش نهاية

بس البداية كانت من زمان

من أول ما بعدنا عن دينا

وأصبح الحجاب مجرد طرحة علي الراس وتحتيها الله أعلم

إحنا نحكي يامروة ونقول لشهرزاد :

إذا ماتت مروة فكلنا مروة..................

في النهاية عايزة من حضارتكم طلبين بس :
أولا : إحنا مش هنهجام حد خالص إحنا بس كل واحد هيكتب إحنا المفروض نعما إيه بدون إساءة لأي حد

ثانيا : تدعوا كثيرا : لأستاذة مروة الدسوقي التي قامت بجهد أكثر مني في هذا الموضوع وكان شرفا لي أنا أشاركها فب الموضوع فقد قامت تقريبا بكل شئ
صدقوني الموضوع ينسب لها ... إدعولهاااااااااااااااااااااااا
ومتنسوش تدعو لحبيبتنا مروة الشربيني رحمها الله تعالي
وادعو بالهداية لي ولكل المسلمين

وصلي اللهم علي سيدنا محمد والحمد لله رب العالمين

اللهم ادخلك فسيح جناته يا مروه واهدى كل المسلمين

جزاك الله خير وجعله الله في ميزان حسناتك وبجد موضوع جميل جداااااااا تسل م ايدك

عضو جديد الجنس : منين :

جزاك الله خيرا
جعل هذا العمل
فى ميزان حسناتك

عضو فعال الجنس :

تسلم ايدك والله موضوع جميل

موضوع جميل واى والله
وربنا يجزيكى على خير يارب