بسم الله الرحمن الرحيم
انتوا فين
كلام العين
خجلان
دمع ع الخدين
فرحان
من انسان
كان عشانكم
مخلوق
بيسأل و ينادي
انتوا فين
بتغيبوا كتير
مابتسألوش
مابتتكلموش
غايبين
الكلام جوايا
مخنوق
مش عارفه
اسئل انا عليكوا
و لو سألت
اسئل مين؟
من جوايا
اكيد حيرانة
بدافع عن حب عمره سنين
اتولد بينا
و يوم مابعيدنا
مـــــات
و تحت التراب بقي مدفون
بقي مجرد ذكري
زيه زي بكرا
مالوش اساس
و لا الكلام بقي مسموع
احترت ف طريقي
عتمة الليل توهتني
و انطفي حتي ضي الشموع
ف طريق عتمة
كله ظلام
ف عيون بريئة
اتخنق الكلام
بين النجوم و القمر
اتهدت كل الاحلام
علي ايدكم و علي ايديا
هانت علينا اجمل ايـــــام
بنام و بصحي تاني
و عمري مش عشاني
انوي انام و مش اقوم
الاقيني تاني قايمة
عمري لسه ماخلصش
و الدنيا عمرها ما كانت دايمة
اشتاقتلكم
بالعربي كده وحشتوني
ماعرفش اسئل عليكوا مين
اروح و اسئل عليكم عيوني
ماشفش رد منهم
غير دموع و نار قاسيا
غير كسرة نفس
و عيون متدارية
تقول لو ماسألتش
هما مايسألوش عليا
دايماً عندهم ظروف
دايما دي شماعتهم
عالطول غصب عنهم
عالطول مش ب ايدهم
و اخرتها
يوم هايجي
يوم من بين الايام
و اديه انهارده جيه
هيتمنوا يشفوني
و مايعرفوش
هايتمنوا يكلموني
و مايتكلموش
هايتمنوا يحضنوني
يقولولي انهم بيحبوني
و مايلحقوش
مش ب ايدي
كان ب ايدهم
قلبي مـــات
و اليوم ده بقي عيدهم
ماسألوش
ماتكلموش
ماهتموش
زيهم زي باقي البني آدمين
ناس عرفتهم و عرفوني
ناس ندمت عليهم
و ناس بقوا زيي ندمانين
نـــــــــاس
جم حقيقي متأخرين
و مابقاش بيفيد حقيقي دمع العين
اللي حبت و اخلصت
اللي بنت و كبرت
اللي خافت و اتكسرت
اللي غلطت
زيها زيكم
اديها كمان اتأخرت
اصلها عايشة ع اللي فاتها
مدفونة وسط ذكرياتها
عايشة ع اللي كان ليها
عايشة تنام
و تقوم
لحد مايومها يجيها
ماحبتش تقلق حد
و لا يوم ماتمشي تدبدب ع الارض
حبت يوم ما تقول وداع
يبقي وداع حقيقي
يبقي وداع بجد
حبت تمشي من سكات
و لو ماقدرتش ع البعاد
تسكن ف وادي
بعيد عن النظر
بعيد عن العين
لا تسأل انتوا فين
و لا حد يسأل عليها و يقولها
انتـــــــي فين؟!!!
