بسم الله الرحمن الرحيم
دايما لوحدي
سامعه نفسي
عايشة لــــيــــا
دايما لوحدي
حاسه نفسي
مكسوره و متداريه
دايما لوحدي
حزينة نفسي
عالطول منسية
دايما لوحدي
دايما تايهه و زعلانة
و انا و نفسي نتكلم
و باقي الناس مش سمعانا
و مهما كان فيه ناس حواليا
بشوفهم تماثيل اصلا مش شيفانه
و نفوس ممنونة
و ب ماية النار معجونة
لما اقولها طفي نارك
ادخلي جوا دارك
يتقال عليا انا المجنونة
عشان بقي طبع من طباعنا
الصح نساوم فيه
و حبيبنا بنأذيه
و اللي عايش ف الدنيا عشانا
بنقول كته عمي يصيبه ف عنيه
الحب هرب مننا
و مابقاش موجود وسطنا
حتي المهم مابقاش يهمنا
و مافيش حاجة ب ايدينا
عالطول غصب عننا
بنحلل اللي احنا عايزينه
و نرحم اللي نزله ربنا
مش حرام ياناس
نشيل ذمب ممكن يبقي مش ذمبنا
عالطول لوحدي
شايله همي
و قادرة عليه
عالطول لوحدي
بمسح دموعي
و ماحدش بيقولي بتبكي ليه؟؟
و لما اسألها بتدمعي ليه؟؟
لا الدموع هاترجع اللي ضاع
و لا هارجع و اشتري اللي باع
مش كفاية كدب بقي و خداع
ترد عنيا
بدمعه مرضية
و تقولي
انا مش جاني
و لا انا ضحية
انا معني جوا عيونك
بس عالطول بتخليني مخفية
ياريتهم يشوفوني ف عيونك
و يعرفوا اد ايه انتي مخبية
دايما لوحدك
تايهه نفسك
بين النفوس حيرانة
دايما لوحدك
كرهتي نفسك
ف فرحنا و ف حزننا مقسمانا
كفاية كده كشف الحساب ليا وصل
و اللي كنت خايفه منه زمان اديه دلوقتي حصل
مش اي حاجة تتكسر نقول ممكن نصلح اللي انكسر
دايما لوحدي يانفسي
