موضوع: نص ساعه ...... (قصه مؤلمه) الإثنين ديسمبر 07, 2009 7:30 am
[center]دى قصه مؤلمه جدا القصه طويله جدا جدا فانا هختصرها اللى كتب القصه دى قال ان صاحب القصه هو اللى نشرها على النت (الله اعلم اذا كانت القصه واقعيه ام لا)
صاحب القصه بيقول انه من عائله ميسورة الحال وليه ست اخوات اهمهم فى القصه اختو الكبيره ساره وكانت اكبر منو بسنه كانت قريبه منو وكانت دايما تدافع عنو لما يغلط وتمنع عنو ضرب باباه المهم وهو فى تانيه ثانوى اتعرف على مجموعة اصدقاء فى يوم اتجمعوا فى شقه عشان يسهروا مع بعض ولما جت الساعه 11 صاحب القصه كان هيمشى عشان والده ميزعقلهوش لكن واحد قاله خليك معانا نص ساعه كمان فقعد خلال النص ساعه دى واحد من الشله قام عملهم شاى ولما شربوه قعدوا يضحكوا بهستريه ويستفرغوا لحد ما ناموا لما صحيوا سالو اللى عمل الشاى حط فيه ايه فقلهم ده مقلب من المقالب اللى بتتباع فى المكتابات بعد كام يوم راح هو واصحابه لصاحبهم اللى عمل الشاى يقولوا عايزين من المقلب ده تانى عشان كان حلو فقالهم ده غالى فجمعوا فلوس وجابوه(طبعا المقلب ده مخدرات) قعد صاحب القصه مدمن كده سنه وفشل فى دراستو وحالوا ادهور وبقى دايما فى خلاف مع والده المهم فى يوم ساره راحت لاخوها فى اوضه وقالتلوا انها شاكه فيه ونصحته يبطل اللى هو فيه لهتقول لوالدهم وقتاها مامتهم دخلت الاوضه عليهم وطلبت من صاحب القصه انو ينزل يشترلها حاجه فنزل بسرعه وراح لواحد صاحبوا وقالو ان ساره شكت فيا فصاحبه قالو مفيش حل غير انك تحطلها حبه فى شاى وتبقى زيك فمتفضحكش وبالفعل رجع وقال لساره انا هقولك كل حاجه وعملها شاى وحطلها فيها الحبه بعد يومين سالتو ساره عن اللى حطه فالشاى فرفض يديها لكن بعد توسلتها اداها ومرت ايام وساره بقت مدمنه زى اخوها وفى يوم مكنش معاهم فلوس عشان يشتروا المخدرات فراح لواحد صاحبه وقالو فصاحبه وافق يديه بشرط انو يجبلو اخته ساره عشان يعمل معصيه معاها (زنا) رفض ومشى لكن بعد ايام لما تعبوا قال لساره فوافقت وراحت لصحبوه ومن يومها بقت ساره بتعمل المعصيه دى مع كل اصحابه مررت ايام وهما على الحاله دى وفى يوم اتصلت الشرطه بوالده وقالتلو انهم لقوا ساره مع شاب فمنطقةاستراحه وانهم كانوا سكرانين وعملو حدثه وماتو بعد ايام والده مات وامه فقدت النطق وحصلتلهم ازمه ماليه وهو سافر عشان يتعالج من المخدرات صاحب القصه فى النهايه بيترجى اى حد يقرا قصتوه يدعى لاخته ساره بالرحمه لانو سبب موتها كافره ومش عاوز حد يدعيلو لانو بيقول انو مش هيسامح نفسه على اللى عملو فى اختوه
نص ساعه بس دمرت اسره كامله اللى اثر فيه فى القصه دى ان اصحاب السوء مش بيضروا الشخص لوحده لا ده كمان ممكن يدمرورا اسرته كلها " لو هتعيش حيلتك كلها من غير اصدقاء اكرملك من حياه مع اصدقاء سوء"
[/center]
رفيقة القمر ($ ♥ عضــ متميز ــــو ♥ $)
الجنس : منين :
موضوع: رد: نص ساعه ...... (قصه مؤلمه) الإثنين ديسمبر 07, 2009 7:57 am
قصة جميلة اوى وكلام جميل اوى اصحاب السوء فعلا دول اسؤ حاجة ممكن تحصل للبنى ادم لانهم فعلا بيودو فى داهية وزى ما القصة حكت ودت الاسرة كلها فى داهية مشكور يا عبدو على القصص الجميلة دى وتقبل مرورى
dr.death عضو فعال
الجنس :
موضوع: رد: نص ساعه ...... (قصه مؤلمه) الجمعة ديسمبر 18, 2009 2:42 pm
قصة محزنة جدا اكره شيء في هالدنيا ان اصحابك اللي تعرفهم من صحاب السوء الله يعطيك العافية على الموضوع الرائع تقبل مروري
