حتموتوا من الضحك .... بعد الشر مش قصدي

عضو نشيط الجنس : منين :

آنستي

آنستي العزيزة.. لو ربنا فك عقدتك.. واتخطبتي.. فإليك
نصائحي حتى تأخذي بخطيبك من مركب الخطوبة إلِّي محدش عارف هاترسى على
إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل
ما في الخطوبة العزومات الرومانسية.. على أحلى محلات أكل ف البلد.. واللي
عمرك مانتي شايفاها بعد الجواز.. المهم نصائحي لك عند أي عزومة.... مع
ختيبك.. قلنا رقَّه

1-الأول لازم تعرفي إن الشوكة والسكينةبيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2-العيش أوعي تفضحينا وتقطعيه بسنانك.. ولا الرغيف
نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق..
وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على
أعصابك جدااا وبعدين لما تروَّحي.. إبقي حِفِّي زي مانتِ عايزه....

-3الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت
خالص.. ومن غير ماتقعدي تنفخي فيها.. زي القهوجي اللي بينفخ ف الحجر
للزبون.. وطبعًاااااا عايزك تنسى تمامًا.. السلطانية اللي بتقيميها على
بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

-4الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

-5المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحمعن
الشوك.. إزاي..؟؟ تقطعي اللحم من النص.. بالطول وبعدين تفردي اللحم ع
الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

-7الجمبري.. -إذا كنتي عارفاه-.. أول ماطبق
الجمبري ينزل.. بصيله بقرف واحتقار شديدين.. آل يعني زهقانة من كتر أكل
الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي
قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8-البطاطس سواء مسلوقة أو محمرة.. أوعي تهرسيها وتدبيها ع الرز وتدي......... ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

-9الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي إيدك يا حبيبتي من نظام التفتفة للبذر.. إنسي....

10-ولما تخلصي أكل تحطي إيدك على بطنك.. اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما. اتفجعت
كدة.. أنا أودامي أسبوع.. هابطل أكل فيه...

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي..

وبالهنا والشفااااااااااااا

عضو شدد حيلو الجنس : منين :

عندك حق والله

بس اظن الناس دلوقتى مهتمين بالحاجات دى دلوقتى دول كلهم ماشين على الموضة فى كل حاجة

شكرا للموضوع الرائع ده

**مشرفهـ الدردشهـ** الجنس : منين :

ههههههههههههههههههههه

هى لفة الفول الطعمية دى هى الى بتسد على طول والله

بس مالهوش لازمة كل التجمل الى زيادة عن اللزوم دة دى كدة بتخدعة اهم حاجة تكون على طبيعتها عشان ميتصدمش بعد الجواز يا عينى يلاقى دب مفجوع معاه فى البيت

مشكور يا عبدة على الموضوع الجميل وتقبل مرورى

ههههههههههههههههههههههههه

والله ناس كتيرة دلوقتى بقت ملتزمة بالاتيكيت دة

انا عن نفسى حتى فى اكلى الطبيعى فى البيت باكل بالشوكة والسكينة

صحيح الى فى البيت عندى بيتشلو منى بس انا بحب اكل كدة

شكرا يا عبدو على الموضوع اللذيذ دة

وتقبل مرورى

هههههههههههههههههههههههههههههه

ههههههههههههههههههههههههههههههههههه

جامده والله يا واد

هههههههههههههههههههههههههههههههههههههههههههههههه

هههههههههههههههههههههههههههههههه
تسلم ايدك

» صور تموت من الضحك
» قصه تموت من الضحك
» صور تموت من الضحك..ههههههههه
» صور اطفال تموت من الضحك
» صور معكوسة تموت من الضحك