موضوع: عبدو المصري & ميمو (يوميات طحن) الأربعاء أغسطس 05, 2009 4:59 pm
اهلا ياللمضين وحشتوني جداا وموضوعي النهارده عنى أنا ومحمود (ميمو) وديه الحلقه الأولى بعنوان تجيبها كده تجيبها كده هيا كده يارب تعجبكم اتعرفت النهارده على ميمو واتكلمنا شويه مع بعض وطلع واد صغير بس يحير وبعدين عرفت منه البلاوى اللى بيعملها اعترف بكل حاجه قدامي وده الحوار اللى دار بنا بالتفصيل ميمو: ازيك يا باشا عبدو المصري: تمام وانت أخبارك أيه ميمو: خرمان يا معلم معكش سيجارة بانجو عبدو المصري: ياض الله يخرب بيتك اسكت ابويا جنبي ميمو: طيب حاول تفرقع ابوك وتنزل تقابلني عبدو المصري: ماشي هحاول بس ابويا مش هيسبلى العربيه حاول تخرج انت عربيه ابوك ميمو: لا يا معلم انت عارف اني مش بعرف اسوق واخاف منك تسوق عربية ابويا تحرق امها عبدو المصري: انا برده انت مش عارفني دا انا بسوق تمام ياض عيب ميمو: خلاص هحاول وربنا يستر عبدو المصري: وانا مستني منك رنه يا نجم ميمو: ماشي يا معلم ميمو راح لوالده وقاله ميمو: يا بابا ابوه: نعم يا زفت ميمو: انا هخرج يا بابا اشرب عصير قصب من اول الشارع ابوه: انت كل يوم هتشرب عصير ميمو: معلش يا بابا مش هتأخر ابوه: روح بس لو اتأخرت هتقعد في البيت اسبوع كامل مش هتخرج ميمو: اوك يا مان اقصد يا بابا المشكله بقى دلوقتي ان ميمو عايز ياخد مفاتيح العربيه من غير ما يقول لأبوه والمفاتيح على المكتب وابوه قاعد في نفس الأوضه شوفوا عمل ايه ميمو: يا ميدو هتسألوني مين ميدو ده هقول لكم اخوه الصغير ميمو: يا ميدو ميدو: نعم يا ميمو ميمو: هات بوسه يا حبيب قلبي وحشتني يا ميدو عامل ايه ميدو: بتعجب شديد يجاوب ويقول كويس الحمت لله ميمو: خد يا حبيبي الربع جنيه ده وبقى اشتري بيه حاجه حلوه ميدو: وقد زاد عليه التعجب شكرا يا ميمو ميمو: بص يا حبيبي انا هكلم بابا في اي حاجه وانت من غير ما ياخد باله تتسحب وتجيب المفاتيح اللى ع المكتب ميدو: ليه انت عايزها ليه ميمو: خلاص بلاش هات الربع جنيه ميدو: لق خلاص انا هكبها ميمو: يالا ندخل على بابا ميمو: يا بابا ابوه: نعم اف مش تسبني اتفرج على نشره اخبار الخامسه والعشرون براحتي ميمو: معلش يا بابا عايز اسألك سؤال ابوه: أسأل خلصني ميمو: هو انت يا بابا هتروح الشغل بكره ابوه: ما انا كل يوم بروح ايه الجديد في كده ميمو: طيب كنت بسألك وبص ميمو وعرف ان اخوه ميدو خد المفتاح من على المكتب وخرج من الأوضه ميمو: شاطر يا ميدو واتصل بيا بسرعه يالا ياض المفاتيح معايا انزل بسرعه قلت له حاض يا باشا نازل علطول نزلت لقيته واقف ومتشيك ع الآخر كأنه رايح يتجوز عبدو المصري: ايه ياض الشياكه ديه ميمو: ايه يا جماعه هو انا كنت معفن قبل كده انا طول عمري شيك عبدو المصري: جبت مفاتيح العربيه ميمو: بيرفع البنطلون ويطلع المفاتيح من جوا الشراب عبدو المصري: برافو عليك ابوك موقف العربيه فين بقى ميمو: مش عارف تعالى نشفها في آخر الحاره عبدو المصري: يالا بينا المهم رحنا آخر الشارع مش لقين العربيه ميمو: طب تعالى ندخل الشارع اللى ورانا عبدو المصري: تعالى وبرضه مش لقينها انا تعبت يا جماعه فخلاص ديه نهايه الحلقه الأولى والحلقه التانيه هجيب ميمو بنفسه يعترف بكل حاجه انتظرونا في الحلقة القادمه
MR:DoDy || ♥ مؤسس المنتدي ♥ ||
الجنس : منين :
موضوع: رد: عبدو المصري & ميمو (يوميات طحن) الأربعاء أغسطس 05, 2009 5:02 pm
ههههههههههههههههه
ده انا ياض ماشي والله لوريك
بس جامده جداااااااااا الفكره ده وهتعمل شغل عالي في المنتدي
تسلم ايدك يا مان
saber_ezzat ($ ♥ عضــ متميز ــــو ♥ $)
الجنس : منين :
موضوع: رد: عبدو المصري & ميمو (يوميات طحن) الأربعاء أغسطس 05, 2009 5:50 pm
هههههههههههههههههه حلوه اوى بجد
mr.abdo عضو نشيط
الجنس : منين :
موضوع: رد: عبدو المصري & ميمو (يوميات طحن) الأحد نوفمبر 08, 2009 1:45 pm
ملكة الورود ($ ♥ عضــ متميز ــــو ♥ $)
الجنس : منين :
موضوع: رد: عبدو المصري & ميمو (يوميات طحن) الإثنين نوفمبر 09, 2009 4:43 am
:478745613212:
رفيقة القمر ($ ♥ عضــ متميز ــــو ♥ $)
الجنس : منين :
موضوع: رد: عبدو المصري & ميمو (يوميات طحن) الإثنين نوفمبر 09, 2009 9:15 am
ههههههههههههههههههههههههه
هههههههههههههههههههههههههه
بقى انت يا محمود يطلع منك دة كلو ههههههههههههههه
انا هروح اقول لباباك انك بتاخد مفتاح العربية من ورااه
ههههههههههههههههههههههههههه
موضوع هايل يا عبدو تسلم ايدك زتقبل مرورى
mr.abdo عضو نشيط
الجنس : منين :
موضوع: رد: عبدو المصري & ميمو (يوميات طحن) الثلاثاء نوفمبر 10, 2009 1:56 pm
