ياجماعة انا هاقول كلام يمكن يكون صح ومهم من وجهة نظرى المتواضعه اوى
بس صدقونى انا اترددت كتير اوى وانا بعمل الموضوع ده وليا كتير بجمع فى الفكرة
طب نخش فى الموضوع بأه
الموضوع مش ساهل يا جماعة
أنــــا نفسى الدنيا كلها تشوف اللى حقوله
وكل واحد حيشوفه انا حبقى فى قمة سعادتى
لعل وعسى حد يقتنع
البنات فعلا مظلومة .. مش كده ؟
ها إيه رأيكم !! معترضين صح ؟
كلامى مش عاجب طبعا .. طيب ما تسمعونى شوية .. ياريت
البنت فى مجتمعنا هيا الروح الوحيدة اللى دايما مظلومة
من أيام الجاهلية وهيا مظلومة
ولحد دلوقتى أهوه وبعد ما فات عقوووووود على الجاهلية
لسه فى فئة كبيررة أوى من الناس مزروعة الجاهلية فى قلوبهم
زمان كانو بيدفنوا البنات أحياء علشان قال ايه بيجيبوا العار
طيب ودلوقتى بعد ما أنتهت الجاهلية من زماااان حيعملوا ايه فى البنت ؟؟؟
البنت مظلومة يا ناس من يوم ما بتتولد
لو الأم وضعت ولد
الفرحة تملى الصدور والدنيا كلها
ولو بنت تبقى أفراح كدابة
وحزن مالى الصدور
طب ليه ؟؟؟
ليه كده
ده حتى البنت ساعات بتنفع عن الولد
بلاش دى
يا ناس دى البنت روووووووح ربنا خلقها
ليه نعترض على حكمته
عموما نسيبنا من التفرقة المميتة دى
أنا عاوزه أتكلم عن نقط اهم
بسببها كتبت الموضوع
ليه لما البنت تغلط أى غلطه بتفضل تتعاقب عليها طول حياتها ؟؟؟؟؟؟
لو غلطت تبقى وحشة وفيها وفيها مع إننا كلنا بنغلط وفينا وفينا
بس انت يالشباب بتتعقبو على اخطائكم شكليا
إنما البنت يا عينى عليها ... شوفوا الجزء اللى جاى ده
حجيبلكم الموضوع من أصعب الطرق علشان تقتنعوا
مثلا
تخيلو كده .. ولد قاعد مع بنت علىاالكورنيش وماسك إيدها وبالتانيه باكل ايس كريم أوبااااااااااا إيه ده ويقول لنفسه بقا
أمى ظبطتنى يالهووووووى
ماما
ايوة ماما يا جميل
مين الحلوة ؟؟
دى
دى حبيبتى يا ماما
يا عيون ماما
كبرت وبقيت تحب يا منيل
حصلنى عالبيت
حاضر يا ماما
ولما يروح
شوفت يا راجل
إبنك بقى جدع يملى العين
قاعدلى يا اخويا مع البنت وبياكلى جيلاتى
وقال ايه ماسكلى إيدها
وطبعا عارفين الباقى
يستمر الموقف هزار وضحك وأحلى كلام
يا سلام ده الشباب عايشة 100%
تعالو كده بقى تخيلوا
نفس الموقف بالظبط هوه هوه
بس أم البنت اللى معايا هيا اللى جت
يالهووى يا ليلة أمك سودة ومنيلة
وعارفين الباقى كويس طبعا ...
أتفرجوا بقى لما الموقف يبقى أنتهى من شهر ولا أتنين
تيجى البنت وبكل برائة
ماما أنا خارجة اتمشى مع صاحبتى نفسى أفك عن نفسى شوية
لا مفيش خروج
نسيتى لما ظبطتك مع الواد على الكورنيش
تسد نفس البنت يا عينى
يا ماما دى غلطه وكلنا بنغلط ولازم ننسى
لا يا روح ماما مش حنسى
طيب يا ستى نسيتى للولد ليـــــــــــــــــــــــــــــه ؟؟؟؟؟؟؟؟؟؟
وتفضل تعاقب البنت فى كل موقف على غلطتها
لحد ما تقتلها بالراحة وتعيشها دايما فى ظلم
تفضل البنت متحملة جواها وفى النهاية
خلاص حتنفجر .. حتفرقع يا ناس
فى ظلم أكتر من كده
طيب تاخدوا مثــال تانى
حد يقدر يقولى ليه معظم البنات مش واخدين
حقوقهم حتى فى بيتهم ووسط اهلهم
رأيها مبيتعملش بيه إلا فى حالات نادرة
مع انها ممكن تكون أفقه بمرااااااااااااااحل من أخوها الأفندى
دى غير حق الولد فى البيت من كل النواحى
اللى بيتعدى حق البنت بكتيرررر جدااااااااا
حق الولد من تنفيذ لرغباته
لفرضه سيطرة وهمية على البنت بدون
ما هوه يكون عاقل أصلا وبموافقه الأهل كمان
حق الولد من التنزه والترفيه والتلاقى بالجميع
بدون أى موانع أسرية
طيب والبنت يا نااااااااااااااااس ؟؟
هيا مش بنى أدمه ولا جاية من كوكب تاااااااانى ...!!!!
حد أقتنع بكلامى ولا انا بكلم نفسى ؟؟؟؟