نهر الحب علي كرسي الا عتراف يا جماعه الكل يدخل يسال

انا اسمى غدير
سنى 17 سنة
المؤهل حاليا ثانوية عامة
تاريخ الميلاد 17/5/1992
المدينى التى اعيش فيهل الاسكندرية
الهواية الرسم وسماع الموسيقى
فى حد بقلبك :اكيد كتير واهمهم ولاد عمى
الاستيل الجديد بتاع المنتدى رائعوالالوان الغامقة فى المنتدى احلى

اسفة يا جماعة دخلت باسم اختى من غير ما اقصد انا اسفة

طيب هو مين الا هيبقي علي كرسي الا عتراف انت ولا اختك

لا انا على كرسى الاعتراف انا بس اتلخبطت سورى يا جماعة

ولا يهمك

هوة مفيش غير محمود هوة الى هيسأل هههههههههههههههههه
على العموم هجاوب عليهم
اكتر حاجة بحبها الكمبيوتر
اكتر سؤال بتضايق منه هوة :انتى مش بتزاكرى ليه او قومى زاكرى
اكتر شخص غالى عليا اوى : هوة مش واحد همة ولاد عمى وهمة غاليين عليا جدااااااااااااااااااااااااا وهمة عارفين
حبيت قبل كدة : ايوة ولسة منتهية القصة دىفى حياتى

طيب ياستى
انتى ايه نوعيت الموسيقه الى بتسمعيها ؟
ايه هى اكتر مشكله بتوجهك فى حياتك اليوميه؟
ايه اكتر حاجه بتديقق فى الدنيا ؟
وليه؟
وامتى بتحسى انك مش غلطان ورغم كده بتيجى على نفسك ؟
طيب وانتى بتعترف بغلطك ولا لا؟
كفايه كده دلوقتى

نوعية الموسيقى الى بحبها: اى موسيقى حلوة وبحب الهاديةبتاعة عمر خيرت يعنىكدة
اكتر مشكلة بتواجهنى فى حياتى اليومية: ان الى حواليا بيستهونوا بمشاعرى ومش بيدونى من الحنان الى انا محتاجاه
اكترحاجة بتضايقنى لما مبنعرفش نسافر لبلدنا ودة لانى بحب بلدنا جداااااااااااا
اجى على نفسى رغم انى مش غلطانة اكيد قدام حد بحبه و باقية على حبة وعموما انا مش بحب حد يزعل منى حتى لو كنت مش غلطانة لانى بحب الناس كلها تكون حبانى حتى لو دة فى ظلم ليا
انا بعترف بغلطى على طول ومش بتضايق لما حد يقولى انتى غلطانة

طيب فى نظرك اى هى الخيانه ؟
واى هو الحب ؟
وهل الحب موجود ولا لا؟
وياترا فى حدود للحب ؟
ومعنى كلمت الوفاء ؟
وهل هو موجود ولا لا ؟
وهل مريتى بمشاكل فى حبك من قبل ؟ ومين الى كان غلطان ؟

الخيانة فى نظرى هية انك تخدع شخص وتغدر بيه وتستغفلة لانة طيب معاكودة شئ قاسى جدا
الحب شعور جميل مالهوش وصف لانك بتبقى فرحان لما تشوف شخص معين وتحس بالامان معاه ةتبقى ا خلاقة وشخصيتة محل للاعجاب
الحب موجود لكن الى يستاهل الحب همة الى مش موجودين للاسف
للاسف الشديد مفيش حدود للحب وفى رايى ان الحب ضعف والضعف بيخلى الواحد يعمل اى حاجة بس برضة لازم الواحد يحاول يتحكم فى نفسة
كلمة الوفاء هي انك تعامل حد كويس رغم انة مش بيبادلك نفس المعاملة لانة قريبك او من معارف حد بتحبة او انك تفتكر حد مهما بعد عنك وتفضل وفى لكل لحظة حلوة عيشتها مع اى حد
الوفاء اكيد موجود بس قليل جدااااااااااااااااااااااااااااااااااااا
ايوة مريت بمشاكل فى حبى قبل كدة وادت الى انتهاؤة والغلطان معرفش بالظبط بس هو راح حب واحدة
تانيةوانا كنت غلطانة لما صدقتة

طيب هو مين الا جاوب دلوقتي انت ولا اختك

والله العظيم انا الى بجاوب بس عدوهالى يعنى انا بتلخبط وبدخل باسمها من غير مقصد

اوك ولا يهمك
دلوقتى انتى مين مثلك الاعلى ؟
ومين الشخص الى كلمتو عندك مصدقه مهم كانت؟
وامتى بتدى لحد الثقه الكامله؟
وامتى ممكن تسحبى ثقتك بحد؟
وايه الحاجه الى لو حصلت توصلك لمرحله الكره؟
وياتره ممكن الحب الكبير يتقلب كره ولا بيفضل جزء منو داخل القلب؟

مثلى الاعلى: مفيش حد معين انا مبداى فى الحياه انى اخد من كل حد حواليا الى حلو فية لان مفيش انسان كامل
شخص كلمتوا عندى مصدقة: مفيش بصراحة هوة انا اى كلمة تتقالى من اى حد لازم اعقلها واشوف اذا كانت تنفع او لا
انا مش بدى لحد الثقة كاملة لسة ملقتش الانسان او الانسانة الى اديها الثقة كاملة
انا ممكن اسحب ثقتى فى حد لو لقيتو خاين وغشاش ومفيش عند اخلاق حتى لو كان مش بيعمل كدة معايا
انا الحمد لله مش بكره اى حد ولا عايزة اكره حد حتى لو عملى اى شئ فى الدنيا حتى لو وصلت انو يقتلنى انا لايمكن اكره حد انا مممكن اكره تصرف بس
فيه ناس الحب الكبير اوى بيتقلب كرة كبير بس انا عن نفسى لو حبيت استحالة اكره مهما عمل فيا الى بحبة انا ببقى زعلانة بس منه

ايه شعورك من ناحيتى بظبط؟
هههههههههههههههههههههههه
عجبنى السوال ده اوى

ده ارخم سؤال
تقدرى تفهمينى ايه هى شخصيتك ؟
وطباعك ؟
واى معلومه عنك محدش يعرفها ؟
وايه الى بتحبيه وايه الى بتكرهيه ؟

اسئلة علا اختى
ظلمت حد بحبه لا ابدا دة انا لو كنت عملتها كنت مت من وكرهت نفسى جدااااااا
شعورى من ناحيتك انتى عارفاه كويس انتى اختى التؤام وكل حاجة ليا فى الدنيا ومعرفش اصحاب ليا غيرك وكنتى معايا لحظة بلحظة فى حياتى
حلم حياتى حلمين1) فى الدنيا : نفسى اتجوز واعمل بيت جميل واتجوز راجل يحبنى ويتقى ربنا فيا واجيب اولاد ص غيرة تملا علياالدنيا
2)فى الاخرة:انى انول رضا الله وادخل الجنة
اغلى الناش عندى قولت قبل كدة ولا عمى وانى احدد حد معين صعب لان مفيش حد اغلى من التانى واقدر اقول انه ممكن يكون اخويا الصغير مصطفى واخويا الكبير حسام
شعورى وانا داخلة الجامعة: بصراحة انا خايفة لانى حاسة ان الجامعة شئ مفتوح جدا وفرص الغلط فية كبيرة وانا مش عايزة اعصى ربنا واعمل حاجة غلط
اكتر حاجة بخاف انها متحصلش : انى اقلاقى راجل بجد يستاهل الحب والجواز لانى ملاقتش راجل يستاهل كدة لغاية دلوقتى
انا قايلة فوق انه يعتبر من اغلى الناس فى حياتى ورغم انه اصغر منى لكن كان له الفضل فى حاجات كتير وانه يغير من شخصيتى ويطورها
شخص كبير فى نظرى : استاذ الفيزياء بتاعى شخص محترم جداااا وكبير فى نظرى

مرسى لاجابتك والاسئله والله
مش صعب للدرجه ديه
الثانويه العامه اصعب
هههههههههههه
ههههههههههههههههه

هههههههههههههه
انتو عيزين تخدو حققم
انا معنديش مشكله

انا لسة مخلصة الثانوية العامة وهية اصعب من عبور القناه انا عارفة وانا برشح صابر يكون الضبف الثامن