شوف البنت بتعمل ايه فى فترة الخطوبه فضايح

أختي العزيزة لو ربنا فك عقدتك واتخطبتي

فإليك نصائحي حتى تأخذي بخطيبك من مركب الخطوبة إلى مثوااااه الأخير في قفص النسانيس

قصدي قصر الزوجية السعيد

أجمل ما في الخطوبة العزومات الرومانسية على أحلى محلات أكل فى البلد

واللي عمرك ماهاتشويفها بعد الجواز

المهم نصائحي لك عند أي عزومة مع خطيبك

الأول لازم تعرفي إن الشوكة والسكينة بيتمسكوا من إيديهم

من الطرف يعني مش من الوسط ولا من البوز زي الخنجر ولا من فوق طبعًا

العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي

العيش بيتقطع بالسكينة فى الطبق وبعدين تاخدي لقمة

لقمة بالعافية قال يعني نفسك مسدودة

اضغطي على أعصابك جدااا

وبعدين لما تروَّحي إبقي حِفِّي زي مانتِ عايزه

بند الشوربة ده مهم جدًاااا

أبوس رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون

وطبعــاً عايزك تنسى تمامًاالسلطانية اللي بتقيميها على بقك ف البيت وتدلقي على روحك

بالمعلقه وبدون صوت

سخنة ولعة برضه بدون صوت

وتسيبي تلت الطبق ع الأقل مش تميليه عشان تلهطيها لآخر نقطة

طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي

إوعي

الرز بالشوكة وكأنك بتبوسيه مش بتاكليه

الاسباكتي برضه بالشوكة تتلف على طرف الشوكة

لحد ما تخلص وبعدين تحطيها فى بؤك من سكات

مش تشفطي المكرونة عود عود

مشكلة

شوفي

بتفصلي اللحم عن الشوك ..إزاي؟؟

تقطعي اللحم من النص بالطول وبعدين تفردي اللحم ع الجانبين ولما تخلصي ناحية

متقلبيش السمكة.. بلاش فلح

شيلي السلسلة بالشوكة والسكينة وحطيها ف جنب الطبق وكملي أكل النص التاني

وبدل الفيلم الهندي ده

نصيحة ماتكليش السمك خالص

قولي مابحبش السمك وخلصي نفسك

إذا كنتي عارفاه

أول ماطبق الجمبري ينزل.. بصيله بقرف واحتقار شديدين

آل يعني زهقانة من كتر أكل الجمبري الجامبو ف بيت بابـا

وأتنهدي جامد وقولي.. برضه؟؟؟

وتروحي قاطعة راس الجمبرياية بالشوكة

أنا فى عرضك إنسي المصمصة دلوقتى

سواء مسلوقة أو محمرة

أوعي تهرسيها وتدبيها على الرز وتدي

لا..لآ...لآ

بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة

وبعدين فى طفاية السجاير اللي على الترابيزه

أوعي ياحبيبتي من نظام التفتفة للبذر

إنسي

ولما تخلصي أكل تحطي إيدك على بطنك

اللي عصافيرها بتصوصو من العينات اللي كلتيها.. وتقولي له مش ممكن

أنا عمري ما اتفجعت كدة

أنا قدامي أسبوع هابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة

وتبوسيها

آل يعني بتمسحي بؤك

وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك

لفة الفول والطعمية اللي جايباها معاكي

وبالهنا والشفــتشي

هههههههههههههههه..

ههههههههههههه

دا تعذيب كده مش اكل هههههه
مشكور تسلم ايدك

هههههههههههه
انتو الى بتعملو كده فى نفسكم
انا لو مكنك اكل قبل ما انزل
هههههههههههههههههههههه

» البنت لما بتكون معجبة بولد بتعمل اة
» المنتديات بتعمل ايه مع المشاغبين؟؟؟؟؟؟؟
» شخصية البنت حسب تاريخ ميلادها
» مذيعه بتعمل برنامج مع واحد مخنوق من نفسه
» كيف تدلعوا البنت حسب عمرها ؟؟؟