كلمات اغانى عمرو دياب من اول يوم ليه

البوم يا طريق 1983



كلمات : عوض الرخاوي
الحان : ياسر عبد الحليم
توزيع : عزيز الناصر

امتا نشوف البسمة الحلوة
مليا شفايف كل الناس
امتا نشارك بعض في غنوة
غالية ونملى الكون اخلاص

امتا نعيش من غير احزان
امتا نشوف القسوة حنان
احلى يا دنيا تكوني امان
والقي الناس بتحب الناس
احلى دنيا ..... احلى دنيا

ليه في قلوبكوا امان وشكوك
خلو الورد وشيلوا الشوك
عمر الحب ما عاش في قساوة
لا بتنسى وعينيك بتبوح

غنوا اغاني الحب الصافية
ياما الحب بيشفي جراح
محلى الغنوة الحلوة الدافية
لو قدامها امل وبراح
_____________________________



كلمات : هاني ذكي
الحان : عزمي الكيلاني
توزيع : عزيز الناصر


بحبك لأنك عيون الحياة
بشوف بيكي املي اللي كان انتهى
بحبك لأنك في اخر ندا
لقيتك في قلبي بتروي صباه

ساعات يا حبيبتي ياخدني خيالي
وافكر في حالي من غيرك انتي
لمين يا حبيبتي هكمل حياتي
دا انا امنيتي اتبنت بيكي انتي

بحبك لأنك وهبتي بحبك لقلبي مناه
بقيت يا حبيبتي بحب الحياة

بفكر في اسرع طريق لللقى
في رحلة حياتنا اللي هتكون لنا
هتبقي معاي في صبحي ومساي جميلة
هنبقى انا وانتي في عالم سعيد
في صمته وجنونه وامله العنيد

اكيد يا حبيبتي هكمل حياتي
دا انا امنيتي اتبنت بيكي انتي
اكيد يا حبيبتي هكمل حياتي
دا انا امنيتي اتبنت بيكي انتي

بقيت الحياة اللي جاية لنا
هتبقى دي احلى سنين عمرنا
وجودك معايا هيبقى البداية الحقيقة الجميلة
هكون ليكي دايما ومهما يكون
دا انتي الواحدة اللي ليكي هكون

_____________________________



كلمات : عصام عبد الله
الحان : عزمي الكيلاني
توزيع : عزيز الناصر

المدينة قلبها زحمة بالهموم
والعيون تايهه بتدارى في الغيوم
مين يهمه الا همه مين بيصرخ غير لالمه
غابت كل يوم غربت كل يوم

المطر باعت معاه دموع الندم
بكرة تشتي على الزحام
الزحام يبقى فضا
والدموع ساعتها نشحت كل ندم
عل الحكايات اللي ضاعت
اللي ضاعت في المدى

حبيبتي المدينة متاهة بشر
شوارع حزينة بقايا صور
حبيبتي المدينة في رياح القدر
وحيدة مسكينة بداري الخطر

_____________________________



كلمات : هاني ذكي
الحان : هاني شنودة
توزيع : عزيز الناصر


الزمن بينسى دايما مع الزمن مفيش وعود
اللي كان عايش في قلبي النهاردة ملوش وجود

الزمن ملهش صاحب ملهش قلب ولا مشاعر
خطوته مشوار في قلبي عشت فيه دايما مهاجر

مع الزمن الجرح بيتنسي والذكريات الحلوة تدبل
مع الزمن بنبتدي دايما حكاية فيها تخلص
ننسى الملامح والوجود والعناوين
يمكن نتوب عن ذكريات عاشت معانا
ضاعت في يوم من الزمن

الزمن دموع بتجري او ضحكة ما لها أي معنى
او لعبة ملناش يد فيها مهما اتشائمنا وتفائلنا
كنت اجبن منه دايما عمري ما فكرت اواجه
كنت خايف منه يمكن لو كان بشر كنت فهمته

عشرين سنة من يوم ما اتولدت احلم معاه
يوعدني اصدق عشرين سنة مروا وكأنهم سراب
وكان بيكدب كتب حكايته على الوجوه
والم في كل ضحكة وساب علاماته الحزينة
على طريقي اللي من زمان

_____________________________



كلمات : هاني ذكي
الحان : هاني شنودة
توزيع : عزيز الناصر


في يوم والشمس طالعة بالوانها البريئة ولمستها الدهب
همسك ايدك وهاخدك لبيت ابيض صغير في احضان الجبل
البيت دا فيه اتولدت على بابوا كبرت
واتعلمت ان اغني اول غنوة دافية زي شمسنا
زي قلوب الصبايا اللي في حينا
والالوان البريئة على ابواب بيوتنا
على الجدران بتحكي ان الكون اتولد
في بيت مصري صغير في احضان الجبل

ضوء الفجر خافت بيرسم المعاني
من بعد ليل طويل
والنيل امواجه تصحى وتحكي ذكرياتها
من الاشجار للنخيل

وانا الطفل الصغير لكن بسمع وافكر
حاسيت في كل لحظة
اني حاضر وذكرى وجزء من المكان ده واني مش وحيد

الزمن راكع هناك بيهمس للجمال
ما تكون حجر اتكلم يا حجر
لكن صمته الجميل سنين ورا سنين
وجيل من بعد جيل فضل حرف ملامحه
في ضميري في ابتسامتي في نظرتي لبكرة وحبي للحياة
_____________________________



كلمات : عبد الرحيم منصور
الحان : هاني شنودة
توزيع : عزيز الناصر


نور يا ليل الاسرار
يااللي عشقناك واحنا صغار
احنا بنصفح وانت بتجرح
زي ما قالوا عليك دوار

فتح يا شجر الاحلام
قد ما بدور الايام
فتح واطرح نفسنا نفرح
دا المشوار جنة على نار

روق يا بحر العشاق
بتسافر فيك الاشواق
روق واوعد انك تسعد
قلبين ضاعوا مع التيار

قرب يا مرسى البحار
للي ضاع عمره في اسفار
خليه يرسى اوعاك تنسى
انه غريب عن اهل الدار



1- احلى دنيا






2- بحب الحياة










3- المدينة






4- الزمن









5 - في احضان الجبل







6- نور يا ليل